Litt om oss
Stette Montessoriskule er ein privat grunnskule i vakre Stettebygda i Ålesund kommune. Sidan oppstarten i 2016 har vi gitt elevar frå 1. til 7. trinn eit trygt og inspirerande læringsmiljø basert på Montessori-pedagogikken.
Skulen har elevar frå 1.-7. trinn, samt eit eige SFO-tilbod.
Skuleåret 2025/2026 er det 60 elevar, der dei fleste er frå Stette skulekrins.
Ein skulekvardag med rom for den enkelte
Alle barn lærer på ulike måtar og i ulikt tempo. På Stette Montessoriskule legg vi til rette for at elevane kan utvikle seg ut frå eigne føresetnader, interesser og styrkar. Montessoripedagogikken byggjer på Maria Montessori sitt syn på barnet som aktivt, nysgjerrig og kompetent. Gjennom utforsking, praktisk arbeid og fordjuping får elevane oppleve meistring og gleda ved å lære. Vi ønskjer å gi elevane eit trygt grunnlag for å utvikle sjølvstende, ansvarskjensle og tru på eigne evner. Målet er at elevane skal bli trygge, motiverte og sjølvstendige menneske som tek vare på si naturlege lærelyst.
«Hjelp meg å gjere det sjølv»
- Maria Montessori
Slik kjem Montessori-pedagogikken til uttrykk hos oss:
- Elevane får arbeide og utvikle seg i sitt eige tempo.
- Læring er aktivitet og tek utgangspunkt i kva elevane er interessert i til einkvar tid.
- Fridom under ansvar gir rom for sjølvstende og gode arbeidsvanar.
- Eit førebudd læringsmiljø legg til rette for konsentrasjon og meistring.
- Konkret og sansestimulerande materiell styrkjer forståing og læring.
- Læraren er ein rettleiar som observerer, støttar og tilpassar.
- Læring skjer i samspel med verda rundt oss og erfaringane elevane gjer seg kvar dag.
Stette Montessoriskule følgjer gjeldande læreplanar og nasjonale krav. Elevane deltek på nasjonale prøver og kartleggingar på lik linje med elevar i den offentlege skulen.
Kvardagen på Stette Montessoriskule
Skuledagen er organisert i to lengre arbeidsøkter. Formiddagsøkta varer frå kl. 08.30 til 11.15, medan den andre arbeidsøkta går frå kl. 12.30 til 14.30. Dei lange arbeidsøktene gir elevane tid til å fordjupe seg, arbeide konsentrert og utvikle sjølvstende i læringsarbeidet. Praktiske og kreative aktivitetar som kunst og handverk, musikk, kroppsøving og prosjektarbeid er òg ein viktig del av skulekvardagen. Fredagar blir skuledagen avslutta kl. 13.00.
Skulelunsj og frukt
Frukt er ein naturleg del av dagen, og elevane deltek sjølve i førebuing og servering. Ein dag i veka lagar elevane fellesmåltid saman. Gjennom matlaging får dei øve på samarbeid, ansvar og praktiske ferdigheiter, samtidig som dei opplever fellesskap rundt måltidet.
Ein dag i veka lagar elevane mat til fellesmåltid på skulen. Då treng ikkje elevane ha med seg nistepakke.
Nærområdet
Skulen ligg omgitt av fjord, fjell, skog og mark, og naturen er ein viktig del av læringsmiljøet vårt. Nærmiljøet gir rike moglegheiter for utforsking, fysisk aktivitet og naturopplevingar gjennom heile året, og vi nyttar ofte området rundt skulen som ein naturleg læringsarena.
Skulepengar
Skulepengane er kr 500,- pr. månad i 11 månader pr. år. Dette inkluderer fruktmåltid, mjølk og fellesmåltid. Det blir gitt søskenmoderasjon etter fastsette kriterier i vedtektene.
SFO kostar kr.1500,- pr. månad (38 veker) i 11 månader pr. år, og kr.2000,- pr. månad (44 veker). Dette inkluderer drikke og noko mat gjennom veka. Det blir gitt søskenmoderasjon etter fastsette kriterier i vedtektene.
Montessoriprinsipp
Grunnprinsippa i montessoripedagogikken er:
- Trygghet, delaktighet og oppmuntring til sjølvstende.
- Eit nøye førebudd miljø.
- Materiellet, som stimulerer sansane og er basert på den meste effektive måten til hjernen å tileigne seg kunnskap på.
- Læraren som er rettleiar og inspirator.
- Individualisering, fridom under ansvar og uforstyrrande arbeidssykluser.
Ein montessoripedagog
- Er ein modell for åtferd og etikk.
- Tek hovudansvaret for balansen mellom individuell utfoldelse og fellesskap i klasserommet.
- Er bindeleddet mellom skulen og heimen.
- Stiller høge krav til dei personlege ansvara til eleven og åtferd overfor miljøet og medmenneske.
- Leiar eleven i utforskinga av nærmiljøet og den vide verda for å byggja opp forståinga av Mennesket i Verdssamfunnet.
- Rettleier eleven i val av aktivitetar og deira personlege og sosiale utvikling.
- Inspirerer til størst mogleg innsats
Det tilrettelagde miljøet
I ein Montessoriklasse er målet å skape eit miljø tilpassa behovet til barnet på dei ulike alderstrinna. I klasserommet er det orden. Det gjev barnet fridom til å lære utan at fridomen går ut over andre sine rettar. Mengda læremateriell er avgrensa og skal vere reint, pent og heilt. Barnet lærer omsorg for miljøet, respekt for andre, tolmod og kva eit ansvarleg val inneber. Klasserommet vert «huset til borna» både fordi det tener behovet deira og fordi dei tek vare på det. Læraren tilrettelegg miljøet for individuell utvikling etter evne og interesse. Barnet må sette materiell og reiskap på bestemde plassar i klasserommet og elevane kan røre seg i klasserommet når dei har behov for det. I dei fleste tilfella føretrekk vi individuell og smågruppepresentasjoner framfor å undervise heile klassen på ein gong.
Fridom
Fridom er sentralt i montessoripedagogikken. Eleven får fridom til sjølv å velje arbeidsoppgåver og har fridom til å handle innanfor klare grenser i eit nøye tilrettelagt miljø. Eleven får velje emne, arbeidsoppgåver og kor lenge dei vil jobbe med oppgåva. Eleven vel sjølv om det vil arbeide åleine eller saman med nokon. Eleven ikkje berre får, men bør snakke saman om arbeidet sitt. Dei har fridom til å forlate arbeidsplassen og romma når arbeidsoppgåvene krev det. Eleven skal leggje opp arbeidet sitt sjølv, dei skal formulere problemstillingane og planleggje presentasjonen sin. Læraren skal rettleie undervegs
Fridomen skal strukturerast og strekkjer seg til kva eleven skal arbeide med og ikkje om eleven skal arbeida. Innskrenkninger i fridomen består i at eleven ikkje får gjere noko som går utover andre barn. Dette tyder at eleven ikkje får forstyrre andre unødig i arbeidet, ikkje får ta i bruk materiell dei ikkje har vorte presentert for, og viss materiell er oppteke av andre må eleven vente på tur. Eleven har full rørslefridom innanfor gjevne rammer. Slike ramme er at dei ikkje får springe rundt, men må gå roleg for ikkje å forstyrre andre unødig.
Respekt
Respekt for eleven er viktig. Eleven skal ikkje rettast på og bli kritisert på ein respektlaus måte. Eleven forstår at læraren har tillit til dei når læraren først introduserer dei for noko interessant og deretter trekkjer seg tilbake. Dei forstår at læraren respekterer dei når læraren ikkje avbryt dei i arbeidet, når dei får fridom og når læraren gleder seg over dei framstega og oppdagingane eleven gjer.

